La falta de calidá democrática de Castiella y Llión y la inxenuidá d’UPL

11/02/2018

juan vicente herrera y luis mariano santos

Xuntanza quier recordar a tódolos partidos políticos con representación na cámara autonómica las deficiencias democráticas y la falta de respectu a la voluntá de la sociedá llionesa nel orixe de la Comunidá Autónoma de Castiella y Llión.

El desacuerdu políticu ye la rezón de ser de los sistemas democráticos y pareznos un error que se criminalice la disensión y se califique cumo una traición. Esto revela meyor que nada l’inclín coercitivu y vertical de l’autonomía.

Nesi sen, consideramos oportunistas y demagóxicas las declaraciones del Sr. Herrera, deslexitimando un posicionamientu políticu y social presente na sociedá llionesa y que sobrepasa enforma los resultaos electorales de cualisquier partidu políticu.

La reivindicación d’autogobiernu llionés ye de carácter transversal, foi constante no tiempu y está presente en tódalas capas sociales, xurdiendo cumo respuesta a la imposición del Estáu que trasladóu la sua estructura hacia la creación de Castiella y Llión, afitando d’esti xeitu’l discursu continuista del Réxime del 78.

Ye necesario encalcar que Castiella y Llión creóuse escontra la voluntá manifiesta y crara del puebru llionés, refugando la celebración d’un referendum que se sabía perdidu polos axentes políticos del 78, mentanto alternativas llionesistas cumo’l Grupo Autonomista Leonés siguían ensin ser legalizadas y proposiciones institucionales de consulta a la ciudadanía nun foron escuitadas dica güei.

Asinamesmo, recordamos a UPL qu’apoucayá diba de la man de PSOE, PP ou C’s, robrando declaraciones p’amenorgar la llibertá democrática y las lexítimas reclamaciones del puebru catalán y güei, son son envergonzaos por esos mesmos compañeiros de viaxe.

Confírmase asina un exerciciu d’hipocresía, aneciando n’atopar na impuesta rede legal una solución que chegue dende arriba, cuando l’únicu camín ye la construcción d’un Procesu Constituyente horeizontal, democráticu y popular que nos allonxe del contextu políticu d’anguaño no que la voluntá de los ciudadanos nun cuenta n’absoluto.

FACEBOOK