Xuan Getino, voceiru de Xuntanza, foi entrevistáu por Agamecha

30/12/2017

 

Apoucayá, las compañeras de l’asociación Agamecha entrevistoron al nuesu voceiru Xuan Getino na Praza’l Granu con motivu de la primer publicación de LA MAQUIA, una iniciativa entre tantas que se desenvuelven dende esti colectivu que nesti casu supón un proxectu visual d’entrevistas a colectivos y personas del ambitu cultural y del asociacionismu feitas na ciudá de Llión.

Agamecha ye una asociación llionesa de colaboración cultural y de llibertá creativa que busca llograr enganches entre los desemeyaos colectivos artísticos y culturales que tengan una visión alternativa de la realidá y un interés pola medría intelectual y moral del ser humanu.

Nesta primer entrevista de LA MAQUIA, dende Xuntanza tuvimos ocasión de presentanos a traviés del nuesu voceiru, falar del nuesu proxectu feminista, anticapitalista y soberanista; facer una valoración de la celebración y conclusiones del I Conceyu de la Esquierda Llionesa qu’entamemos  n’outubre xunto con outros colectivos, de la posibilidá de la presencia institucional del soberanismu no nuesu país, la situación en Cataluña ou d’ataques al nuesu patrimoniu cumo ye’l conocidu casu de la Praza’l Granu.

Dende la nuesa iniciativa ciudadana queremos agradecer a Agamecha esta oportunidá pa visibilizar el nuesu proxectu, aguardando igualmente pol mayor de los éxitos pa esta prestosa iniciativa chamada LA MAQUIA.

Podéis conocer meyor al colectivu Agamecha nos sous espacios de facebook, twitter ou youtube.

FACEBOOK