I Conceyu de la Esquierda Llionesa

04/10/2017

cartel del i conceyu de la esquierda llionesa

Los cambios políticos nas postreras décadas, la puxanza del liberalismu económicu, los procesos de globalización, la preponderancia del nacionalismu español y l’amenaza de nuevos trataos comerciales están configurando realidades sociales y escenarios políticos desemeyaos. Nesi sen, la esquierda llionesa afronta una situación novedosa, col arcu políticu atomizáu y la capacidá de decisión de la sociedá llionesa menguada, desfeita ou directamente substraída.

La continuidá del réxime del 78 en tódalas suas formas, incluída l’autonomía de Castiella y Llión, y el respaldu de los partidos políticos (los sucursalistas y los llioneses), torgoron el desenvolvimientu de la sociedá llionesa, samargullada nuna crisis de carácter estructural que vai acullá de lo meramente económicu, pa fundir las suas reíces na nuesa propia identidá cumo puebru.

Nuna escala más global, dende un pensamiento decolonial, ye tamién necesario abordar tódolos eixes d’opresión que nos asitian no marcu de lo subalterno. El patriarcáu, el desarrollismu, la discriminación por rezones de raza ou llengua… Todo ello fincáu a favor de lo hexemónicu y que golpea con desemeyadas intensidades pero siempres de xeitu transversal a la sociedá llionesa.

Por ello, cremos axeitada la creación d’espacios d’alcuentru au podamos debatir estas problemáticas y aportar soluciones propias dende’l marcu d’una esquierda que vea necesario articular a la sociedá llionesa cumo subxectu políticu, superando las artificiales y impuestas fronteras administrativas.

Asina, convocamos a aquellas organizaciones, entidades, partidos políticos, plataformas y ciudadanía en particular, al I Conceyu de la Esquierda Llionesa, a celebrar nel Atenéu Varillas de la ciudá de Llión durante los días 14 y 15 d’outubre de 2017.

Nos próximos días detallaremos el programa. Estái atentas.

FACEBOOK