La esquierda llionesa celebróu la sua fiesta de resistencia

25/04/2017

actuación de frauta y guitarra

Foi una fiesta de resistencia, pero una fiesta al fin y al cabu, y foi todu un éxitu. A lo llargo de la tarde del paśau domingu, 23 d’abril, más d’un cientu de llionesas asistimos al eventu entamáu por diversos colectivos d’esquierda pa celebrar que, despuéis de más de trenta años, siguimos ensin tener nada que celebrar nesa fecha.

L’espaciu quedóu pequeñu al pouco d’empezar y la xoldra intercalóuse cona participación de mui bien d’asistentes pa llevar a cabu la lectura de desemeyaos poemas y relatos en llionés, tanto reivindicativos cumo intimistas, ou dexar un espaciu pal son de la nuesa música más tradicional a traviés d’instrumentos cumo gaita, frauta, alcordión ou guitarra.

La lectura del manifiestu robráu a comuña entre tódolos colectivos organizadores del eventu, llevada a cabu pola parte de la nuesa compañera Miryan Rodríguez, foi quiciabes ún de los intres más especiales aú quedóu fincáu’l compromisu de colaboración y de siguir furando entre todas por un país au tódolos eixes d’opresión sían desaniciaos. Güei, pesie a la ofensiva de construcción nacional, despuéis de trenta y cinco años, estamos intactas y las nuesas organizaciones son más necesarias y más útiles que nunca ante la falta de respuesta de los axentes políticos d’ámbitu estatal frente a las agresiones al grupu llionés.

lectura de manifiestu

Aguardamos por vós de güei nun añu, porque quedóu craro qu’esta fiesta tien vocación de continuidá. Tamién podéis eichar un güeyu al time lapse de preparación y celebración de la fiesta, gracias a las amigas de Mocedá en Pie.

FACEBOOK