Nel González falóu en Varillas sobre dereitu a decidir y dereitu d’autodeterminación

03/04/2017

Nel González de Xuntanza

Na tarde del pasáu domingu, 2 d’abril, y dientro del ciclu formativu internu que la nuesa organización está a desenvolver nel Ateneo Varillas de la ciudá de Llión, el compañeiru Nel González fizo una fonda introducción a los dereitos a decidir y d’autodeterminación. Esta cuestión y la comprensión de la sua importancia pola parte de la sociedá llionesa, supón ún de los eixes más fundamentales polos que la nuesa organización trabaya y una de las suas rezones de ser.

A lo llargo del taller, que contóu con una parte formativa y outra de debate colectivu, el ponente focalizóu n’aspectos fundamentales cumo los procesos d’autodeterminación nel ámbitu internacional ou la lexitimidá y construcción del dereitu a decidir, analizando amás, cumo exemplos d’actualidá, los casos catalán ou vascu.

Dende’l nuesu colectivu queremos mostrar el nuesu agradecimientu a Nel pol sou llabor formativu pa con Xuntanza nun eiru tan importante cumo ye’l de la construcción nacional.

cartel de la conferencia de Nel González pa Xuntanza

FACEBOOK